«Челси» яримҳимоячиси Эден Азар қачонлардир «Олтин тўп»ни қўлга киритишидан умидвор экани ҳақида гапирди.
«Қачонлардир «Олтин тўп» соҳиби бўламан. Бу ҳақда ҳар доим ўйлайман. Аммо уни қўлга киритмасам, ранжиб ўтирмайман. Фаолиятимнинг яхши ўтиши учун ҳаракат қиламан.
Роналду ва Месси фаолиятини якунласа, балки Неймар, Пауло Дибала ёки Антуан Гризманн каби футболчилар уларнинг ўрнини эгаллаши мумкин.
Агар «Челси» ЕЧЛ ғолиби бўлса ва Бельгия терма жамоаси жаҳон чемпиони бўлса, мен ҳам «Олтин тўп»ни қўлга киритишим мумкин.
Сўнгги 10 йилда бу совринни Испания чемпионатида тўп сурган футболчилар олмоқда. Аммо у автоматик тарзда топширилмайди. Англияда ҳам яхши футболчи чиқса, у ҳам совринни қўлга кирита олади» - деди Азар.
