Бирлашган Араб Амирликларида миллий чемпионат ўйинлари ниҳоясига етди.
Сўнгги турда «Аш-Шабаб» ўз майдонида «Ал-Вахда» клубига қарши ўйнади. Учрашувда 1:1 ҳисобидаги дуранг натижа қайд этилди. Ҳамюртимиз Азиз Ҳайдаров «Аш-Шабаб»нинг асосий таркибида майдонга тушиб, тўлиқ ўйнади.
Бу натижадан сўнг, «Аш-Шабаб» 30 очко билан мусобақа жадвалида 8-ўринни эгаллади. Азиз Ҳайдаров жорий мавсумда жамоаси таркибида 22 ўйинда майдонга тушиб, бирорта гол уролмади.
БАА чемпионати якунига кўра, «Ал-Жазира» - чемпион бўлди, «Ал-Васл» - иккинчи, «Ал-Аҳли» учинчи ўринни қўлга киритди.
