Birlashgan Arab Amirliklarida milliy chempionat o‘yinlari nihoyasiga yetdi.
So‘nggi turda «Ash-SHabab» o‘z maydonida «Al-Vaxda» klubiga qarshi o‘ynadi. Uchrashuvda 1:1 hisobidagi durang natija qayd etildi. Hamyurtimiz Aziz Haydarov «Ash-SHabab»ning asosiy tarkibida maydonga tushib, to‘liq o‘ynadi.
Bu natijadan so‘ng, «Ash-SHabab» 30 ochko bilan musobaqa jadvalida 8-o‘rinni egalladi. Aziz Haydarov joriy mavsumda jamoasi tarkibida 22 o‘yinda maydonga tushib, birorta gol urolmadi.
BAA chempionati yakuniga ko‘ra, «Al-Jazira» - chempion bo‘ldi, «Al-Vasl» - ikkinchi, «Al-Ahli» uchinchi o‘rinni qo‘lga kiritdi.
