«Краснодар» клубининг собиқ устози Олег Кононов катта эҳтимол билан «Терек» клубини бошқаради.

«Матч ТВ» хабарига кўра, 51 ёшли мутахассис Россия чемпионатидан ўрин олган «Спартак» - «Терек» ўйинига ташриф буюради ва жамоани кузатиб боради.

Агар «Терек» еврокубокларга йўлланмани қўлга киритолмаса, клуб раҳбарияти бош мураббий Рашид Раҳимовни истеъфога чиқариб, Кононовни тайинлаши мумкин. Айни пайтда жамоа, Россия чемпионатининг якунланишига 2 тур қолганида 45 очко билан 5-ўринни эгаллаб, еврокубоклар ҳудудидан 1 очко ортда бормоқда.

Эслатиб ўтамиз, аввалроқ Кононов билан «Пахтакор» клуби қизиққани ҳақида хабарлар чиққан эди.