«Krasnodar» klubining sobiq ustozi Oleg Kononov katta ehtimol bilan «Terek» klubini boshqaradi.

«Match TV» xabariga ko‘ra, 51 yoshli mutaxassis Rossiya chempionatidan o‘rin olgan «Spartak» - «Terek» o‘yiniga tashrif buyuradi va jamoani kuzatib boradi.

Agar «Terek» yevrokuboklarga yo‘llanmani qo‘lga kiritolmasa, klub rahbariyati bosh murabbiy Rashid Rahimovni iste’foga chiqarib, Kononovni tayinlashi mumkin. Ayni paytda jamoa, Rossiya chempionatining yakunlanishiga 2 tur qolganida 45 ochko bilan 5-o‘rinni egallab, yevrokuboklar hududidan 1 ochko ortda bormoqda.

Eslatib o‘tamiz, avvalroq Kononov bilan «Paxtakor» klubi qiziqqani haqida xabarlar chiqqan edi.