Голландия чемпионатининг аксарият клуб раҳбарияти ва футболчилари сунъий қопламали майдонларда футбол ўйнашни тақиқлашни талаб қилмоқда.

Хусусан, бу борадаги талабномани 12 клуб сардорлари имзолаган: Дирк Кюйт («Фейеноорд»), Дэви Классен («Аякс»), Люк де Йонг (ПСВ), Стейн Схарс («Ҳеренвен»), Рон Влар (АЗ), Виллем Янссен («Утрехт»), Сандер Дейтс («Гоу Эҳед Иглс»), Серхио Падт («Гронинген»), Грегор Брейнбург (НЕК), Гурам Кашия («Витесс»), Йорденс Петерс («Виллем II») ва Штефан Тескер («Твенте»).

Уларнинг фикрига кўра, сунъий қопламали майдонда тўп суриш футболчиларнинг соғлиғига зарар етказади ва жароҳат олиш эҳтимолини оширади.

Бу талабномага сунъий қопламали майдонга эга 6 та клуб - «Ҳераклес», «Зволле», «Эксельсиор», «Ден Ҳааг», «Рода» ва «Спарта» клублари қаршилик билдирмоқда.