Лондонинг «Арсенал» клуби «Лион» футболчиси Корентен Толиссо билан қизиқмоқда. Mirror хабарларига кўра, клуб ёзги трансферлар ойнасида биринчилардан бўлиб шу футболчини таркибга жалб қилмоқчи.

Фақат «канонирлар» бу футболчини қўлга киритиши учун «Ювентус» билан кураш олиб боришига тўғри келади. Туринликлар бу футболчини деярли бир йилдан бери кузатиб келишмоқда ва Толиссо уларнинг ҳам ёзги мақсадларидан.

Корентеннинг трансфер нархи 30-35 миллион евро атрофида баҳоланмоқда. 22 ёшли хавбек жорий мавсум ўзи қатнашган барча турнирларда 46 бора майдонга тушган бўлиб, 14 гол ва 6 голли пасга муаллифлик қилган.