Londoning «Arsenal» klubi «Lion» futbolchisi Korenten Tolisso bilan qiziqmoqda. Mirror xabarlariga ko‘ra, klub yozgi transferlar oynasida birinchilardan bo‘lib shu futbolchini tarkibga jalb qilmoqchi.

Faqat «kanonirlar» bu futbolchini qo‘lga kiritishi uchun «Yuventus» bilan kurash olib borishiga to‘g‘ri keladi. Turinliklar bu futbolchini deyarli bir yildan beri kuzatib kelishmoqda va Tolisso ularning ham yozgi maqsadlaridan.

Korentenning transfer narxi 30-35 million yevro atrofida baholanmoqda. 22 yoshli xavbek joriy mavsum o‘zi qatnashgan barcha turnirlarda 46 bora maydonga tushgan bo‘lib, 14 gol va 6 golli pasga mualliflik qilgan.