«Ювентус» ҳимоячиси Дани Алвес фаолиятидаги 32 совринини қўлга киритди. Бу ҳақида Mirror нашри хабар бермоқда.
Бу билан бразилиялик ҳимоячи футбол тарихидаги энг совриндор футболчилар орасида топ-3га кирди.
Шунингдек, «Манчестер Юнайтед» ҳужумчиси Златан Ибрагимовичда ҳам худди шунча соврин бор. «Қизил иблислар»нинг афсонаси Раян Гиггз бу борада иккинчи ўринни банд этган. Унинг ҳисобида 35та соврин бор.
Дунёдаги энг совриндор футболчи эса «Барселона» собиқ ҳимоячиси Максвелл ҳисобланади. Айни дамда «ПСЖ» аъзоси ҳисобланадиган футболчи 36та жамоавий совринга эга.
Алвесдан кейинги ўринда эса «Барселона» хавбеки Андрес Иньеста жойлашган. Унинг ҳисобида 30та соврин бор.
Дани Алвес яқин орада Райан Гиггзнинг натижасини такрорлаш эҳтимоли юқори.
