Аргентиналик ҳужумчи Гонсало Игуаин «Ювентус»га ўтиб тўғри иш қилганини айтиб ўтди.

«Ўйлайманки, Неаполлик кўрлаб инсонлар «Наполи»га қилган меҳнатларим учун мени ҳали ҳам севишади.

Мен профессионал инсонман ва тўғри қарор қабул қилдим. Бу жуда қийин бўлди, лекин таваккал қилмай туриб, нимагадир эришиш қийин.

Натижа айтиб турибди - «Ювентус»га ўтиб янглишмадим» – дейди Игуаин Corriere dello Sport нашрига.

Эслатиб ўтамиз, ҳужумчи «Наполи» раҳбарияти қаршилигига қарамай «Ювентус» таркибига келиб қўшилган ва туринликлар унинг трансфери учун 90 миллион евро тўлашган.