«Реал» ҳужумчиси Криштиану Роналду Примерадан ўрин олган «Сельта» (4:1) клубига қарши ўйинда юз берган воқеага изоҳ берди.

Матбуот хабарига кўра, Роналду гўё рақиб футболчисини «Барселона»дан пул олганликда айблаган эди.

«Одамлар мени жиноятчига чиқариб қўйишган, аммо аслида нима юз берганини билишмайди. Мен ТВ кўрсатувларини томоша қилмайман, акс ҳолда ҳаётда бунча нарсага эришмаган бўлардим.

Ҳа, мен авлиё эмасман, аммо иблис ҳам эмасман. Ўйинимни танқид қилишларига эътибор бермайман, чунки ўз голларим билан уларни жим бўлишга мажбур қила оламан. Аммо мен гапираётганимда, матбуотнинг қўлида доим тош бўлади.

Менга бу нарса ёқмайди. Чунки оилам, онам ва ўғлим бор. Баъзан мени аҳмоққа чиқариб қўйишади, аммо мен аҳмоқ эмасман» - деди Роналду Marca хабарида.