Европа лигасининг финалида тўқнаш келган «Манчестер Юнайтед» ва «Аякс» клубларининг бошланғич таркиби футболчиларнинг трансфер нархидан келиб чиқиб, ҳисоб-китоб қилинди.
Унга кўра, «Юнайтед» сафида учрашувни бошлаган футболчиларнинг умумий қиймати 257 миллион фунт-стерлингга тенг экани маълум бўлди. «Аякс»да эса бу кўрсаткич 15 миллионни ташкил қилади.
Рақибидан 17 марта қимматроқ бўлган футболчилар якунда 2:0 ҳисобида муваффақият қозонди ва бош совринни қўлга киритди. Келаси мавсум ҳар икки клуб Европа Чемпионлар лигасида тўп суради.
