"Арсенал" бош мураббийи Арсен Венгер клуб хўжайини Стэн Кронке билан учрашди.
Томонлар франциялик мутахассиснинг янги шартномасини муҳокама қилдилар. Келишув бир неча ой муқаддам амалга ошган, аммо ҳозиргача имзоланмаган.
Эслатиб ўтамиз, сешанба куни "Арсенал" директорлари кенгаши мажлиси бўлиб ўтади, унда мавсум якунлари ва Венгер билан шартноманинг узайтирилиши кўриб чиқилади.