"Реал" бош мураббийи Зинедин Зидан ЕЧЛ финалида "Ювентус" билан учрашув олдидан қарталарини осишни истамаяпти.
Матбуот финал учрашувида мадридликларнинг асоий таркибида Гарет Бэйл тушадими ёки Иско, шу ҳақида қизиқмоқда.
"Асосий таркибда Иско тушадими ёки Бэйл, буни айтмайман. Ҳар доимгидек, бу нарса қийин қарорлар туркумига киради. Мен 22 ўйинчи ичидан танлашим керак. БУ учрашув заявкасига кирмаган ўйинчилар ҳам бўлади. Мана шуниси мен учун жуда қийин. Мураббий нима қилиш кераклигини билади, аммо мен ўз қарорларимни ошкор қилмайман. Бундан ташқари, Иско ва Бэйл бир вақтнинг ўзида майдонга тушиши мумкин, бу охирги мавсумда кузатилган", - дейди Зидан.
