"Реал" ҳимоячиси Серхио Рамос ЕЧЛ финалида "Ювентус" билан учрашув олдидан фикрлари билан ўртоқлашди.
"Ювентус"да ажойиб таркиб бор, эҳтиёт бўлишимиз керак - рақиб ишимизни осонлаштирмайди. "Ювентус" мусобақадан жуда кучли жамоаларни чиқариб юборди. Ҳар бир финал ўзгача, ҳар бир финал фарқ қилади, аммо "Юве" билан "Атлетико"нинг ўхшаш томонлари бор.
Ла лгадаги ғолибликдан сўнг чемпионликни нишонлаш учун вақтимиз бўлди, шундан сўнг ката жисмоний юкламали бир ҳафталик машғулотлар бўлди, ундан тикланиш учун икки кун керак бўлади. Футболчилар жароҳатларидан сўнг тикландилар, финалга жанговар руҳда тайёрмиз", - дейди Рамос.
