"Бавария" клуби ва Германия терма жамоасининг собиқ футболчиси Лотар Маттеус ЕЧЛ финалида "Реал" билан учрашувда "Ювентус"ни фаворит ҳисобламоқда.
"Ювентус" - "Реал" — мухлислар кутган финал. Икки буюк клубнинг тўқнашуви. Мен "Ювентус"ни фаворит кўряпман. Жамоалар орасидаги фарқ шундаки, туринликларда анча мослашувчан жамоа бор.
Мадрид гранди қийин саволларда ҳозиржавоб эмас. "Ювентус"нинг чемпионлар лигаси плей-оффидаги ўйинларини кўрсангиз, унда ҳаммаси бошқача эканлигига гувоҳ бўласиз. "Барселона" ва "Монако"га қарши ўйинларда туринликлар ўйинларини ўзгартира олиши мумкинлигини кўрсата олганлар. Бу мусобақада Кьеллини, Бонуччи, Барцальи ва Буффон каби ҳимоячилар йиғилган ҳимоя энг кучли ҳимоя бўлди. "Ювентус" 12 учрашувда 3 та гол ўтказди, бу - феноменал.
"Ювентус" фақат ҳимоядагина яхши эмас. Бу жамоа ҳужумни ҳам жуда яхши танлайди. Туринликлар мадридликларга қараганда жипслашиб ҳаракат қила оладилар. "Ювентус" майдонда бир жамоа бўлиб ўйлайди ва ишлайди. "Реал" кучли, аммо "Ювентус" ундан ҳам кучлироқ", - дейди Маттеус.
