«Бавария» яримҳимоячилари Дуглас Коста ва Ренату Саншеш ёзда жамоани тарк этиши мумкин.
Bild хабарига кўра, мюнхенликлар 40 млн евро эвазига Коста билан хайрлашишга тайёр. 26 ёшли футболчига «Ювентус», «Манчестер Сити», «Манчестер Юнайтед» ва «ПСЖ» қизиқиш билдирган.
Саншешнинг трансферидан эса «Бавария» 35 млн евро ишлаб олмоқчи. 19 ёшли футболчига даъвогарлар ичида «Интер», «Ювентус», «МЮ», «Монако» ва «Марсель» бор. У ижарага бериб юборилиши ҳам мумкин.













