«Монако» ҳужумчиси Килиан Мбаппени қўлга киритиш учун кураш давом этмоқда.
«Арсенал» клуби футбол тарихидаги энг қиммат трансферни амалга оширишга тайёр. Gazzetta Dello Sport хабарига кўра, Лондон клуби 18 ёшли футболчи учун 150 млн евро бермоқчи.
Аввалроқ, «Реал» Мбаппе учун 135 млн евро, «Манчестер Юнайтед» 130 млн евро, «Манчестер Сити» эса 120 млн евро таклиф қилган эди.
Ўтган мавсумда Мбаппе барча мусобақаларда 44 ўйин ўтказиб, 26та гол урган ва 14та голга ҳаммуаллифлик қилган.