Италия терма жамоаси бош мураббийи Жампьеро Вентура ЖЧ-2018 саралашида Лихтенштейнга қарши ўйин олдидан (11 июнь) фикрларини билдирди.
"Мен ҳайронман. Биз ўзимизни кўп гол уришга мажбурдек сезмаслигимиз керак, чунки ҳалқаро майдонларда кучсизлар қолмаган. Лихтенштейн - бу Бразилия эмас, аммо улар ҳар икки ўйиннинг бирида 5-6 тўп фарқи билан ютқазавермайдилар. Бор-йўғи уч кун аввал улар Финляндияга ютқазмадилар.
Бу кўпчилик кутаётгандек ээмас, бутунлай бошқа ўйин бўлади. Биздан кўп гол кутманг. Лихтенштейн билан ўйинда Италиянинг икки вазифаси бор - ғалаб қозониш ва баъзи жабҳаларни яхшилаш", - дейди Вентура.
