«Барселона» ҳужумчиси Мунир Эл-Хаддади келаси мавсумда каталонияликлар таркибида тўп суриши мумкин.
Ўтган мавсумни «Валенсия» клубида ижарада ўтказган футболчи билан «Реал Сосьедад» клуби қизиққан эди. Аммо каталонияликлар 21 ёшли Мунирни ижарага бермади.
«Барселона» устози Эрнесто Вальверде футболчининг имкониятларини яна бир бор синовдан ўтказмоқчи. Агар ўтган мавсумнинг иккинчи ярмини «Милан»да ўтказган Жерар Деулофеу каталонияликлар таркибига қайтса, Мунир яна ижарага бериб юборилиши мумкин.
Испания чемпионатининг ўтган мавсумида Эл-Хаддади 34 ўйинда майдонга тушиб, 6та гол урди ва 5та голга ҳаммуаллифлик қилди.
