«Севилья» ҳужумчиси Стеван Йоветич яна «Интер»га қайтадиган бўлди.

Футболчи қишда кейинчалик сотиб олиш ҳуқуқи билан ижарага олинганди. Аммо клуб раҳбарияти унинг жуда катта молиявий талаблари туфайли қайтариб юборишга қарор қилди.

«Бизда «Манчестер Сити», «Барселона», «Челси» ёки «Реал» клубларидаги каби катта бюджет йўқ. Шу туфайли харажатларимизни назорат қилиб боришимизга тўғри келади. Йоветич биздан катта маош, «Интер» эса унинг трансфери учун катта пул сўрамоқда. Афсуски буни амалга оширолмаймиз. Йоветичнинг келгуси фаолиятига омад тилаймиз» - деди «Севилья» спорт директори Оскар Ариас.