Тошкентнинг «Обод» клуби оғир иқтисодий аҳволга тушиб қолган.
Жамоа футболчилари уч ойдан буён маош олмаяпти. Мураббийлар ва футболчилар ўз маблағлари ҳисобига сафар ўйинларига бориб келмоқда. Жамоанинг бош ҳомийси молиявий муаммоларга дуч келгани сабабли, пул билан таъминлашни тўхтатган.
Мана шундай вазиятда, раҳбарият фақат биринчи давра охиригача жамоани ушлаб тура олишини ЎФФга ваъда берган. Афсуски, жамоани қўллаб туришга қодир янги ҳомий топилмаган.
Энди «Обод» иккинчи даврадан бошлаб, Олий лигадаги иштирокини якунлаши мумкин. Агар бу иш амалга ошадиган бўлса, жамоанинг 1-даврадаги барча натижалари бекор қилинади.
