Дортмунднинг «Боруссия» клуби ҳужумчиси Пьер-Эмерик Обамеянг фаолиятини Хитойда давом эттириши мумкин. Бу ҳақда Metro нашри хабар тарқатди.
Унинг хизматларига «Тяньцзинь Цюаньцзянь» клуби қизиқиш билдирмоқда. Эслатиб ўтамиз, бу жамоа сафида Аксель Витсель ва Алешандре Пато ўйнаётган бўлса, жамоани Фабио Каннаваро бошқармоқда.
«Боруссия» футболчининг трансферидан 80 миллион евро даромад олса, футболчининг ўзига 30 миллион евро йиллик маош олади.
Эслатиб ўтамиз, ҳужумчининг «Боруссия» билан амалдаги шартномаси 2020 йилгача тузилган. 28 ёшли футболчи Германия чемпионатининг ўтган мавсумида энг яхши тўпурар бўлди. У 32та ўйинда майдонга тушиб, 31та гол урди.