Албатта, бу сафарги Конфедерациялар кубоги ўзига хос тарзда ўтмоқда. Хусусан, Роналду учинчи ўрин учун кечадиган ўйинда қатнашмай жўнаворди, Лёв эса мусобақага иккинчи таркиб билан ташриф буюриб, финалгача чиқиб келди. Бу билан немис футболи ҳар қандай ҳолатда ҳам кучли эканлигини исботлади.
Бугунги финал эса ўзгача ўтиши тайин. Стадион мухлислар билан лиқ тўлади, майдонда эса Португалиянинг мағлубиятидан куч олган Чили футболчилари ҳамда Лёвнинг ишончига киришга ҳамда дастлабки йирик совринини қўлга киритишга интилаётган Германия ёшлари саф тортишади.
ИМКОНИЯТЛАР — 50-50
Ҳа, имкониятлар тенг, чунки ҳар бир жамоанинг устун ва камчиликлари бор. Чилининг устун жиҳати тажриба, чунки немислар таркибида Санчес ёки Видал каби футболчилар йўқ. Германияда эса интилиш ва тезкорлик кучли, немис ҳужумчилари Чили ҳимоячиларини бир ҳамла ортда қолдиришлари ҳеч гап эмас. Лёв Чилига алоҳида сюрприз тайёрлагани аниқ, сабаби, шу ергача келдими, энди ортга қайтмайди таркиб қандай бўлишидан қатъий назар. Чили ҳам жон-жаҳди билан ҳаракат қилади, чунки Конфедерациялар кубоги бош соврини Чили учун ўзига хос тарих.
ВИДАЛНИНГ ТОПИЛМАСИ НИМАДА ЭДИ?
