Albatta, bu safargi Konfederatsiyalar kubogi o‘ziga xos tarzda o‘tmoqda. Xususan, Ronaldu uchinchi o‘rin uchun kechadigan o‘yinda qatnashmay jo‘navordi, Lyov esa musobaqaga ikkinchi tarkib bilan tashrif buyurib, finalgacha chiqib keldi. Bu bilan nemis futboli har qanday holatda ham kuchli ekanligini isbotladi.
Bugungi final esa o‘zgacha o‘tishi tayin. Stadion muxlislar bilan liq to‘ladi, maydonda esa Portugaliyaning mag‘lubiyatidan kuch olgan Chili futbolchilari hamda Lyovning ishonchiga kirishga hamda dastlabki yirik sovrinini qo‘lga kiritishga intilayotgan Germaniya yoshlari saf tortishadi.
IMKONIYATLAR — 50-50
Ha, imkoniyatlar teng, chunki har bir jamoaning ustun va kamchiliklari bor. Chilining ustun jihati tajriba, chunki nemislar tarkibida Sanches yoki Vidal kabi futbolchilar yo‘q. Germaniyada esa intilish va tezkorlik kuchli, nemis hujumchilari Chili himoyachilarini bir hamla ortda qoldirishlari hech gap emas. Lyov Chiliga alohida syurpriz tayyorlagani aniq, sababi, shu yergacha keldimi, endi ortga qaytmaydi tarkib qanday bo‘lishidan qat’iy nazar. Chili ham jon-jahdi bilan harakat qiladi, chunki Konfederasiyalar kubogi bosh sovrini Chili uchun o‘ziga xos tarix.
VIDALNING TOPILMASI NIMADA EDI?
