Бир қатор араб давлатлари Қатар билан сиёсий курашни давом эттирмоқда.
ФИФА президенти Жанни Инфантино хабарига кўра, Саудия Арабистони, Яман, Мавритания, БАА, Баҳрайн ва Миср ташкилотга хат жўнатиб, Қатардан ЖЧ-2022 мусобақаси мезбонлигини қайтариб олишни талаб қилмоқда.
Бу мамлакатлар Қатарда бўлиб ўтадиган мундиал пайтида, мухлислар ҳаёти хавф остида қолиши мумкинлигидан хавотирда. ФИФА кодексининг 85 моддаси эса фавқулодда ҳолатлар юз берганида ЖЧ мезбони ўзгартирилиши мумкинлигини кўзда тутади, деб хабар бермоқда Reuters.
Эслатиб ўтамиз, ўтган ойда бир қатор араб давлатлари ҳудуддаги барқарорликни издан чиқаришда айбланган Қатар давлати билан барча алоқаларни узган эди.
