Bir qator arab davlatlari Qatar bilan siyosiy kurashni davom ettirmoqda.

FIFA prezidenti Janni Infantino xabariga ko‘ra, Saudiya Arabistoni, Yaman, Mavritaniya, BAA, Bahrayn va Misr tashkilotga xat jo‘natib, Qatardan JCH-2022 musobaqasi mezbonligini qaytarib olishni talab qilmoqda.

Bu mamlakatlar Qatarda bo‘lib o‘tadigan mundial paytida, muxlislar hayoti xavf ostida qolishi mumkinligidan xavotirda. FIFA kodeksining 85 moddasi esa favqulodda holatlar yuz berganida JCH mezboni o‘zgartirilishi mumkinligini ko‘zda tutadi, deb xabar bermoqda Reuters.

Eslatib o‘tamiz, o‘tgan oyda bir qator arab davlatlari hududdagi barqarorlikni izdan chiqarishda ayblangan Qatar davlati bilan barcha aloqalarni uzgan edi.