«Динамо» жамоаси ўз таркибини яна бир футболчи билан кучайтирди. Бу сафар жамоа сафига ҳужумчи келиб қўшилди.

«Пахтакор» футбол клуби тарбияланувчиси, биринчи даврани «Қўқон-1912» жамоаси сафида ўтказган 22 ёшли ҳужумчи Андрей Сидоров иккинчи даврани «Динамо» сафида ўтказадиган бўлди. «Пахтакор» клубига тегишли Сидоров ижара асосида ўйнайди.

Маълумот учун, Андрей Сидоров биринчи даврада «Қўқон-1912» сафида 12 ўйинда майдонга тушиб, 361 дақиқа тўп сурган.

Маълумотнома:

Андрей Сидоров

1995 йил 26 май куни Тошкентда туғилган.

Амплуаси: ҳужумчи.

2016 йилда «Пахтакор» сафида Олий Лигада дебют қилган. 2017 йилги чемпионатнинг 1-даврасини «Қўқон-1912» жамоаси сафида ўтказган.