Бугун Ўзбекистон Кубоги-2017 чорак финалининг жавоб учрашувида “Қўқон-1912” ва “Насаф” жамоалари ўзаро куч синашади. Учрашув Қўқон шаҳридаги “Марказий” стадионда соат 18:00да бошланади.

Ўзбекистон Кубоги. Чорак финали жавоб учрашуви
«Қўқон-1912» (Қўқон) – «Насаф» (Карши)
28.07.2017. Қўқон ш. “Марказий” стадион. 18:00
Бош ҳакам: Виктор Серазетдинов (Тошкент)
Қанот ҳакамлари: Алишер Усмонов (Тошкент), Тимур Гайнулин (Тошкент)
Захира ҳаками: Акмалжон Раҳимов (Андижон)
Назоратчи: Арслон Хотамов (Тошкент).

Бу учрашув шубҳасиз қизиқарли ва муросасиз курашларга бой тарзда ўтади. Бундай дейишимизга етарли асослар бор.

Биринчидан, “Насаф” кубок баҳсининг бу босқичидаги дастлабки учрашув натижасига кўра, устунликка эга. Аммо қаршиликлар бу натижани унутган ҳолда майдонга тушишади. Зеро, "Насаф" бу ўйинга астойдил тайёргарлик кўрди. Шунингдек, давралар оралиғида жамоамиз таркибига қўшилган янги футболчиларимизнинг бугунги ўйинда қандай ҳаракат қилишлари ҳам ишқибозлар учун қизиқ.

“Қўқон-1912” жамоаси бугун ўз мухлислари қаршисида тўп тепади. Бу уларга кичик устунлик бериши турган гап. Мезбонлар ҳам бу имкониятдан фойдаланиш учун ҳаракат қилади. Шунингдек қўқонликлар сафига янги қўшилган футболчиларнинг ҳолати ва ўйини ҳам мухлисларда катта қизиқиш ўйғотиши турган гап.

Хуллас, бугунги кубок баҳсининг энг қизиқарли учрашуви бўлишига бундан ташқари ҳам сабаблар етарлича. Юртимиз футболи ишқибозлари ўзимизни футболни ҳам соғиниб қолишди. Мана ҳаяжонли онлар яна давом этади.

Ишонамизки, “Қўқон-1912” ва “Насаф” учрашувида майдонга тушадиган футболчилар, ишқибозларга ҳақиқий футбол томошасини тақдим этадилар.