Bugun O‘zbekiston Kubogi-2017 chorak finalining javob uchrashuvida “Qo‘qon-1912” va “Nasaf” jamoalari o‘zaro kuch sinashadi. Uchrashuv Qo‘qon shahridagi “Markaziy” stadionda soat 18:00da boshlanadi.

O‘zbekiston Kubogi. Chorak finali javob uchrashuvi
«Qo‘qon-1912» (Qo‘qon) – «Nasaf» (Karshi)
28.07.2017. Qo‘qon sh. “Markaziy” stadion. 18:00
Bosh hakam: Viktor Serazetdinov (Toshkent)
Qanot hakamlari: Alisher Usmonov (Toshkent), Timur Gaynulin (Toshkent)
Zaxira hakami: Akmaljon Rahimov (Andijon)
Nazoratchi: Arslon Xotamov (Toshkent).

Bu uchrashuv shubhasiz qiziqarli va murosasiz kurashlarga boy tarzda o‘tadi. Bunday deyishimizga yetarli asoslar bor.

Birinchidan, “Nasaf” kubok bahsining bu bosqichidagi dastlabki uchrashuv natijasiga ko‘ra, ustunlikka ega. Ammo qarshiliklar bu natijani unutgan holda maydonga tushishadi. Zero, "Nasaf" bu o‘yinga astoydil tayyorgarlik ko‘rdi. Shuningdek, davralar oralig‘ida jamoamiz tarkibiga qo‘shilgan yangi futbolchilarimizning bugungi o‘yinda qanday harakat qilishlari ham ishqibozlar uchun qiziq.

“Qo‘qon-1912” jamoasi bugun o‘z muxlislari qarshisida to‘p tepadi. Bu ularga kichik ustunlik berishi turgan gap. Mezbonlar ham bu imkoniyatdan foydalanish uchun harakat qiladi. Shuningdek qo‘qonliklar safiga yangi qo‘shilgan futbolchilarning holati va o‘yini ham muxlislarda katta qiziqish o‘yg‘otishi turgan gap.

Xullas, bugungi kubok bahsining eng qiziqarli uchrashuvi bo‘lishiga bundan tashqari ham sabablar yetarlicha. Yurtimiz futboli ishqibozlari o‘zimizni futbolni ham sog‘inib qolishdi. Mana hayajonli onlar yana davom etadi.

Ishonamizki, “Qo‘qon-1912” va “Nasaf” uchrashuvida maydonga tushadigan futbolchilar, ishqibozlarga haqiqiy futbol tomoshasini taqdim etadilar.