«Манчестер Юнайтед» клуби «Челси» яримҳимоячиси Неманья Матични сотиб олишга яқин турибди, дея хабар бермоқда Sky Sports.

Манба берган хабарга кўра, манкунианликлар мазкур савдони тез кунларда амалга ошириши кутилмоқда. Трансфер суммаси 40 млн. фунт стерлингга баҳоланган.

Матичга бошқа даъвогар «Ювентус» эса 28 ёшли сербиялик футболчини сотиб олиш фикридан қайтган. Турин клуби энди бошқа футболчилар Блез Матюиди («ПСЖ») ва Стивен Н'Зонзини («Севилья») сотиб олиш учун уриниб кўради.

Матич «Челси» сафига 2014 йилда «Бенфика» сафидан келиб қўшилганди. У бу давр мобайнида лондонликлар сафида 154 учрашувда майдонга тушишга улгурган.