Голландия суперкубоги учун баҳсда «Фейеноорд» ва «Витесс» куч синашди.

Ўйинда ҳисоб «Фейеноорд» томонидан очилди. Иккинчи таймда бош ҳакам Данни Маккели «Витесс» ҳужумчиси Тим Матавжга қарши жарима майдони ичида қўполлик ишлатилганини кўрмай қолди. Тезкор жавоб ҳужумида эса «Фейеноорд» гол уришга муваффақ бўлди. Шундан сўнг, қанотдаги ҳакам «Витесс» футболчисига қарши қоида бузилганини айтди. Бош ҳакам такрорий видеолавҳани томоша қилиб, «Фейеноорд» голини инобатга олмади ва «Витесс» фойдасига пенальти белгилади. Бюттнер уни аниқ амалга ошириб, ҳисобни тенглаштирди - 1:1.

Ўйин охиригача бу ҳисоб ўзгармагач, ғолиб пенальтилар сериясида аниқланди. Унда «Фейеноорд» 4:2 ҳисобида ғалаба қозониб, суперкубокни қўлга киритди.