«Арсенал» етакчиси Алексис Санчес АПЛ стартида жамоасига ёрдам беролмайди.

Бош мураббий Арсен Венгернинг гапига кўра, Чили терма жамоаси ҳужумчиси дастлабки икки тур ўйинларини ўтказиб юборади.

«Алексис якшанба куни машғулотда қорин мушакларини чўзиб олди. Икки кун олдин тиббий кўрикдан ўтгач, номаълум муддатга сафдан чиққани аниқланди. Энди у бир ёки икки ҳафтани ўтказиб юборади.

У «Лестер» ва «Сток» клубларига қарши ўйнамайди.

«ПСЖ» у билан қизиқдими? Йўқ. Мен Носир Ал-Хилайфий билан кўпдан бери гаплашмадим. Агар Франция газеталарини ўқиган бўлсангиз, уларнинг ҳозирги мақсади Килиан Мбаппе эканини билиб оласиз», — деди Венгер Sky Sports хабарида.