Англиянинг “Манчестер Юнайтед” клуби трансферлар мавсумида Виктор Линделёф, Ромелу Лукаку ва Неманья Матич каби футболчиларни сотиб олди.

Бироқ “қизил иблислар” раҳбарияти яна футболчи харид қилишни режалаштирган. ESPN нашрининг хабарига кўра, “Манчстер Юнайтед” яна икки нафар футболчини сотиб олишга жиддий бел боғлаган.

Гап шундаки, “Юнайтед” Дэнни Роуз (“Тоттенхэм”) ва Иван Перишич (“Интер”) лар билан шартнома имзолаш ишлари бўйича музокараларни давом эттирмоқда.

Эслатиб ўтамиз, “МЮ” бугун ПСЖ ҳимоячиси Серж Орье билан беш йиллик шартнома имзолаш бўйича келишувга эришганди.