Ҳамма жойда, ҳамма соҳада кўп нарсани кадрлар ҳал қилади. Тажрибасиз ҳисобчи ишхонани касод қилса, тажрибасиз журналист газетани кераксиз қоғозга айлантириб қўяди. Тажрибасиз футболчи эса жамоани ботқоққа ботиради.
“Барселона” ҳозир тажрибасиз кадрлардан азият чекмоқда. Ҳаммаси Гвардиоладан кейинги талотўқ даврида “Кел, мен ҳам “Барселона”да бир ишлаб кўрай”, дея Каталонияда давру даврон сурган “мураббийлар”нинг касрига бўлди. Ҳаммаси ана шу мураббийларнинг кўнглига қараган раҳбариятнинг касрига бўлди.
Ҳеч бир қурувчи иморатнинг фундаментидан асосий ғиштни олиб қўймайди. Чунки бу иморатни қулатиш билан баробар. “Барселона” раҳбарияти эса ана шу ғиштни олиб ташлади. Энди эса ўрнини тўлдира олмай овора. Бу биринчи хато.
Жамоада футболчилар кўп, ҳатто
