Олий лиганинг 18-туридан ўрин олган “Нефтчи” - “Навбаҳор” (1:1) ўйинидан сўнг, меҳмонлар бош мураббийи Илҳом Мўминжонов ўз фикрлари билан ўртоқлашди.
"Бугун қизиқ дерби бўлди. Дурангга мос беллашув ўтказилди. Ўйин мухлисларга ҳам ёқди деб ўйлайман. Учрашув давомида хавфли вазиятлар кўп бўлмади. Биринчи голдан сўнг “Нефтчи” шу ҳисобни ушлаб қолиш учун ўйнашини билардик. Шу сабабли гарчи мағлуб бўлаётган бўлсакда ўзимизда куч топиб олдинга интилдик ва вазифани уддаладик. Намангандан келган мухлисларга раҳмат. Айни пайтда Рўзимбой Аҳмедов юқори формада шу сабабли охирги баҳсларда асосий таркибда унга имконият беряпман", - деди Мўминжонов.
