Oliy liganing 18-turidan o‘rin olgan “Neftchi” - “Navbahor” (1:1) o‘yinidan so‘ng, mehmonlar bosh murabbiyi Ilhom Mo‘minjonov o‘z fikrlari bilan o‘rtoqlashdi.
"Bugun qiziq derbi bo‘ldi. Durangga mos bellashuv o‘tkazildi. O‘yin muxlislarga ham yoqdi deb o‘ylayman. Uchrashuv davomida xavfli vaziyatlar ko‘p bo‘lmadi. Birinchi goldan so‘ng “Neftchi” shu hisobni ushlab qolish uchun o‘ynashini bilardik. Shu sababli garchi mag‘lub bo‘layotgan bo‘lsakda o‘zimizda kuch topib oldinga intildik va vazifani uddaladik. Namangandan kelgan muxlislarga rahmat. Ayni paytda Ro‘zimboy Ahmedov yuqori formada shu sababli oxirgi bahslarda asosiy tarkibda unga imkoniyat beryapman", - dedi Mo‘minjonov.
