Англия чемпионатининг 2-турига якун ясалди. Турнинг сўнгги басҳида "Манчестер Сити" ўз майдонида "Эвертон"ни қабул қилди.

Қизиқарли кечган учрашувнинг аксарият қисмида тўп назорати Гвардоила шогирдлари томонида бўлди, аммо мустаҳкам мудофаа ярата олган ливерпуллликлар рақибнинг хавфли ҳужум ташкил этишига йўл қўйишмади. Аксинча, меҳмонлар ўйиннинг 36-дақиқасида қарши ҳужумдан унумли фойдаланиб, Рунининг голи эвазига ҳисобни очишди.

Биринчи бўлим сўнгида мезбонлар ҳимоячиси Уокер майдондан четлатилиши оқибатида "Сити"нинг аҳволи янада оғирлашди. Иккинчи бўлим ҳам аввалгиси каби давом этди. Захирадан майдонга тушган Раҳим Стерлинг ўйин тугашига 8 дақиқа қолганида ҳисобни тенглаштиришга муваффақ бўлди.

Шу тариқа, АПЛда чемпионликка асосий даъвогар сифатида қаралаётган "Манчестер Сити" 2-турдаёқ очко йўқотишга мажбур бўлди.

АПЛ, 2-тур
Манчестер Сити – Эвертон 1:1 (0:1, 1:0)
Голлар: 0:1 – 35 Руни, 1:1 – 82 Стерлинг.
Манчестер Сити – Эдерсон, Компани, Стоунз (Данило, 65), Отаменди, Фернандиньо, Уокер, Сане (Бернарду Силва, 69), Сильва, де Брюйне, Агуэро, Габриэл Жезус (Стерлинг, 46).
Эвертон – Пикфорд, Кин, Уильямс (Классен, 61), Джагелка, Холгейт, Дэвис (Сигурдссон, 61), Гуйе, Шнайдерлин, Бейнс, Кэлверт-Льюин, Руни (Бешич, 90).
Огоҳлантиришлар: Шнайдерлин (7), Дэвис (24), Уокер (42), Компани (78), Руни (84).
Четлатишлар: Уокер (44), Шнайдерлин (88).