"Барселона" ҳужумчиси Лионель Месси ва клуб президенти Хосеп Мария Бартомеу Монако шаҳрига йўл олди.
24 август куни у ерда Чемпионлар лигаси гуруҳ босқичининг қуръаси ва мавсумнинг энг яхши футболчиларига соврин топшириш маросими ўтказилади.
Сафар чоғида Месси ва Бартомеу сўнги ҳафталарда клубда юзага келган муаммолар ва футболчининг янги шартномасини муҳокама қилиб олишади.
Аввалроқ, "Манчестер Сити" Мессининг трансфери учун 300 миллион евро тўлашга тайёр экани ҳақида хабарлар чиққан эди. 30 ёшли футболчининг амалдаги шартномаси 2018 йил ёзида ниҳоясига етади.
