"Barselona" hujumchisi Lionel Messi va klub prezidenti Xosep Mariya Bartomeu Monako shahriga yo‘l oldi.
24 avgust kuni u yerda Chempionlar ligasi guruh bosqichining qur’asi va mavsumning eng yaxshi futbolchilariga sovrin topshirish marosimi o‘tkaziladi.
Safar chog‘ida Messi va Bartomeu so‘ngi haftalarda klubda yuzaga kelgan muammolar va futbolchining yangi shartnomasini muhokama qilib olishadi.
Avvalroq, "Manchester Siti" Messining transferi uchun 300 million yevro to‘lashga tayyor ekani haqida xabarlar chiqqan edi. 30 yoshli futbolchining amaldagi shartnomasi 2018 yil yozida nihoyasiga yetadi.
