Бугун Монакода Чемпионлар лигаси гуруҳ босқичига қуръа ташлаш маросими ўтказилади.

Мусобақанинг барча иштирокчилари маълум бўлгач, УЕФА уларни саватчаларга ажратиб чиқди.

1-саватча: "Реал" (Испания), "Бавария" (Германия), "Челси" (Англия), "Ювентус" (Италия), "Монако" (Франция чемпионати), "Бенфика" (Португалия), "Спартак" (Россия) ва"Шахтёр" (Украина).

2-саватча: "Барселона", "Атлетико", "Севилья" (барчаси - Испания), "Манчестер Сити", "Манчестер Юнайтед" (иккласи ҳам - Англия), "Боруссия", (Дортмунд, Германия), ПСЖ (Франция) ва "Порту" (Португалия).

3-саватча: "Наполи", "Рома" (иккаласи ҳам - Италия), "Тоттенҳэм", "Ливерпуль" (иккаласи ҳам - Англия), "Базель" (Швейцария), "Олимпиакос" (Греция), "Андерлехт" (Бельгия), "Бешиктош" (Туркия).

4-саватча: ЦСКА (Россия), "Селтик" (Шотландия), "Фейеноорд" (Нидерландия), "Марибор" (Словения), "Лейпциг" (Германия), "Қорабоғ" (Озарбайжон), АПОЭЛ (Кипр), "Спортинг" (Португалия).

Маълумки, қуръа қоидасига кўра, бир саватчадан жой олган жамоалар, шунингдек бир мамлакат вакиллари гуруҳ босқичида бир-бирига қарши ўйнамайди.

Агар чамалаб кўрилса, "Барселона" гуруҳ босқичида "Ювентус", "Ливерпуль" ва "Фейеноорд" клублари билан тўқнаш келиши мумкин. Унда бу квартетни бемалол "ўлим" гуруҳи деб номлаш мумкин.

Ўз навбатида, агар омад кулиб боқса, "Барселона" гуруҳ босқичида "Спартак", "Базель" ва "Қорабоғ" клубларига дуч келиши ҳам мумкин.

Эслатиб ўтамиз, қуръа ташлаш жараёни соат 21-00да бошланади.