Bugun Monakoda Chempionlar ligasi guruh bosqichiga qur’a tashlash marosimi o‘tkaziladi.

Musobaqaning barcha ishtirokchilari ma’lum bo‘lgach, UYEFA ularni savatchalarga ajratib chiqdi.

1-savatcha: "Real" (Ispaniya), "Bavariya" (Germaniya), "Chelsi" (Angliya), "Yuventus" (Italiya), "Monako" (Fransiya chempionati), "Benfika" (Portugaliya), "Spartak" (Rossiya) va"Shaxtyor" (Ukraina).

2-savatcha: "Barselona", "Atletiko", "Sevilya" (barchasi - Ispaniya), "Manchester Siti", "Manchester Yunayted" (ikklasi ham - Angliya), "Borussiya", (Dortmund, Germaniya), PSJ (Fransiya) va "Portu" (Portugaliya).

3-savatcha: "Napoli", "Roma" (ikkalasi ham - Italiya), "Tottenhem", "Liverpul" (ikkalasi ham - Angliya), "Bazel" (SHveysariya), "Olimpiakos" (Gresiya), "Anderlext" (Belgiya), "Beshiktosh" (Turkiya).

4-savatcha: SSKA (Rossiya), "Seltik" (SHotlandiya), "Feyenoord" (Niderlandiya), "Maribor" (Sloveniya), "Leypsig" (Germaniya), "Qorabog‘" (Ozarbayjon), APOEL (Kipr), "Sporting" (Portugaliya).

Ma’lumki, qur’a qoidasiga ko‘ra, bir savatchadan joy olgan jamoalar, shuningdek bir mamlakat vakillari guruh bosqichida bir-biriga qarshi o‘ynamaydi.

Agar chamalab ko‘rilsa, "Barselona" guruh bosqichida "Yuventus", "Liverpul" va "Feyenoord" klublari bilan to‘qnash kelishi mumkin. Unda bu kvartetni bemalol "o‘lim" guruhi deb nomlash mumkin.

O‘z navbatida, agar omad kulib boqsa, "Barselona" guruh bosqichida "Spartak", "Bazel" va "Qorabog‘" klublariga duch kelishi ham mumkin.

Eslatib o‘tamiz, qur’a tashlash jarayoni soat 21-00da boshlanadi.