Италия чемпионатининг 2-тури доирасида "Ювентус" сафарда "Женоа" меҳмони бўлди ва қийин ғалабани қўлга киритди.

Ўйиннинг 7-дақиқасига келиб мезбонлар рақиб дарвозасини 2 марта ишғол қилишга муваффақ бўлишди. Дастлаб Пьянич ўз дарвозасини ишғол қилиб қўйган бўлса, Галабинов пенальтидан "Юве" дарвозасига иккинчи тўпни йўллади.

Туринликлар танаффусга қадар ҳисобни тенглаштиришга муваффақ бўлишди. Иккинчи бўлимда эса Аллегри шогирдлари рақиб дарвозасига яна 2 марта йўл топишди ва ғалабани ўз томонларига оғидиришди.

"Ювентус" ҳужумчиси Пауло Дибала "хет-трик"ни расмийлаштирди.

Италия А серияси, 2-тур
Женоа – Ювентус 2:4 (2:2, 0:2)
Голлар: 1:0 – 1, автогол Пьянич, 2:0 – 7, пенальти Галабинов, 2:1 – 14 Дибала, 2:2 – 45, пенальти Дибала, 2:3 – 62 Куадрадо, 2:4 – 90 Дибала.
Женоа – Перин, Бираски, Россеттини, Хентилетти, Лазович, Бертолаччи, Велозу, Лаксальт, Пандев (Лападула, 78), Галабинов (Сентурион, 72), Таарабт (Палладино, 51).
Ювентус – Буффон, Лихтштайнер (Бардзальи, 74), Ругани, Кьеллини, Алекс Сандро, Хедира (Матюиди, 58), Пьянич (Бентанкур, 81), Куадрадо, Дибала, Манджукич, Игуаин.
Огоҳлантиришлар: Лихтштайнер (7), Хентилетти (13), Бираски (17), Пьянич (18), Лазович (45), Куадрадо (64), Лаксальт (78).