АПЛ 5-туридан ўрин олган "Челси" – "Арсенал" ўйинида, мезбонлар ҳимоячиси Давид Луис жароҳат олди.
Mirror хабарига кўра, Ляказетт билан тўқнашувда футболчи реклама таблосига урилиб кетган ва панжасини синдирган.
Бироқ, жароҳат олган бўлишига қарамай, шифокорлар унга майдонга тушишга рухсат берган. Айни пайтда футболчи ЕЧЛ 2-туридан ўрин олган "Атлетико"га қарши ўйинга жамоа билан ҳозирлик кўрмоқда.