“Реал” жамоасининг жароҳат олиб сафдан чиққан икки футболчиси Хесус Вальехо ва Карим Бенземалар сафга қайтишди.

Мадридликлар бугундан бошлаб, Испания Ла-Лигасининг 6-туридан ўрин олган “Алавес”га қарши учрашувга тайёргарликни бошлашди.

Клуб матбуот хизматининг хабарига кўра, Вальехо ҳамда Бензема тўп билан индивидуал тарзда шуғулланишни бошлаб юборган.

Шунингдек, Тео Эрнандес, Матео Ковачич,  Марселолар ҳозирда жароҳатдан тикланишмоқда.

Маълумот учун, Карим Бензема жорий мавсум “Реал” таркибида 3 та учрашувда майдонга тушди. Хесус Вальехо эса фақат бир марта захира қайдномасига киритилди.

Аввалроқ, Бензема, Иско, Марсело ва Даниэл Карвахал каби футболчилар “қироллик клуби” билан амалдаги шартномаларини узайтиришганди.