“Real” jamoasining jarohat olib safdan chiqqan ikki futbolchisi Xesus Valyexo va Karim Benzemalar safga qaytishdi.

Madridliklar bugundan boshlab, Ispaniya La-Ligasining 6-turidan o‘rin olgan “Alaves”ga qarshi uchrashuvga tayyorgarlikni boshlashdi.

Klub matbuot xizmatining xabariga ko‘ra, Valyexo hamda Benzema to‘p bilan individual tarzda shug‘ullanishni boshlab yuborgan.

Shuningdek, Teo Ernandes, Mateo Kovachich,  Marselolar hozirda jarohatdan tiklanishmoqda.

Ma’lumot uchun, Karim Benzema joriy mavsum “Real” tarkibida 3 ta uchrashuvda maydonga tushdi. Xesus Valyexo esa faqat bir marta zaxira qaydnomasiga kiritildi.

Avvalroq, Benzema, Isko, Marselo va Daniel Karvaxal kabi futbolchilar “qirollik klubi” bilan amaldagi shartnomalarini uzaytirishgandi.