Ёшлар лигасининг 22-турида “Нефтчи” “Сўғдиёна”ни қабул қилди.
Баҳс голларга бой бўлди. Дастлабки гол биринчи бўлимнинг сўнггида киритилди. Муҳсин Убайдуллаев ўз фаоллигининг эвазига ўнг қанотдан рақиб жарима майдончасига ёриб кирди ва тўпни марказга ташлади. Ҳужум марказида турган Хуршид Асқаралиев алдамчи усулда тўпни осонлик билан рақиб дарвозасига жойлаб қўйди. Биринчи тайм ёш фарғоналикларнинг ҳисобдаги устунлиги билан хотима топди.
Меҳмонлар мазкур голга иккинчи бўлимда жавоб қилишди. Шохрух Достонов Шуҳрат Раҳмонов қўриқлаётган дарвозага йўл топди. Орадан кўп ўтмай заҳирадан майдонга тушган Абдураҳмон Абдулҳақов рақиб дарвозабонини ранжитди. Айнан унинг жавоб голи ҳисобни 2:1 кўринишига олиб келди.
Афсуски, сўнгги дақиқалар майдон эгаларига хиёнат қилди. Иккинчи бўлимнинг сўнггига келиб Шохрух Достонов яна бир бор гол урди ҳамда жамоасини муқаррар мағлубиятдан қутқариб қолди. Якуний ҳисоб 2:2.
"Нефтчи" ёшлари баҳсда қуйидаги таркибда ҳаракатланди
Асосий таркиб: Абдумавлон Абдужалилов, Аброрбек Исмоилов, Исломбек Каримов, Абдуқодир Артиков, Хуршид Асқаралиев, Ҳусниддин Ғофуров, Жавоҳир Расулов, Муҳсин Убайдуллаев, Шодиёр Хожиматов, Миржамол Неъматов, Отабек Ҳайдаров
Захира: Шуҳратилло Раҳмонов, Фарход Намозов, Мурод Тўйчибоев, Сардорбек Исаков, Абдураҳмон Абдулҳақов, Ризо Айвазов
"Сўғдиёна": Ширинбой Абдуллаев, Азиз Мирзаев, Рашидов Сахоб, Отабек Валижонов, Мухаммад Яхёев, Шохрух Акбаров, Шухрат Суярқулов, Муродхўжа Жабборов, Иброҳим Қодиров, Жасур Уринов (с), Шахбоз Жўрабеков
