«Барселона» бош мураббийи Эрнесто Вальверде Испания чемпионатининг 6-тури доирасида бўлиб ўтган «Жирона»га қарши ўйин (3:0) борасида ўз фикрларини билдириб ўтди.

«Ушбу турда «Реал» ва «Атлетико» жамоалари ғалаба қозонгани боис, биз кичик босимни ҳис қиляпмиз. Нафақат ақл билан, балки юрак билан ўйнаб, ҳисобни очишга муваффақ бўлдик.

Мессига нисбатан персонал таъқиб — у ўз таъқибчиларини ўзига тортса, рақиб футболчиси ўз позициясини йўқотади. Ўйиннинг 10-дақиқасида Месси менинг ёнимга келди ва таъқибчиларни нима қилиш ҳақида сўради. Месси буни яхши уддалади, хотиржам ўйнади ва жамоага яхши ёрдам беради.

Луис Суарес ҳақида тўхталадиган бўлсам, ҳужумчидан ҳамиша гол кутишади. У эса ўз вазифасини уддаламоқда. Рақиб дарвозаси олдида тажовузкор ҳаракат қилиш тахсинга лойиқ. Афсуски, яна гол ура олмади — ўзига бўлган ишончи янада ортган бўларди.

Жамоамиз ҳақр қандай вазиятда ўйнай олади. Тўпни яхши назорат қилганимизда ҳам, рақиб ёпиқ ўйин қилган пайтда ҳам», — деди Вальверде.