Дортмунднинг «Боруссия» клуби бош мураббийи Петер Бос Чемпионлар лигаси доирасида «Реал»га қарши бўлиб ўтган ўйин (1:3) борасида ўз фикрларини билдириб ўтди.
«Биз 11 киши бўлиб ҳимояланамиз ва ҳужум қиламиз. Шунинг учун фақат ҳимоячиларни айблаш тўғри эмас. Жуда кучли рақибга қарши ўйинда биз ҳамиша бир қадам ортда қолдик.
Биз ҳимояланишимиз керак эди. Прессинг иш бермаган пайтда бундай маҳоратли жамоага қарши ўйнаш жуда қийин. Буни таҳлил қилиб чиқиб, ўйинимизни яхшилашимиз керак.
Биринчи бўлимда Серхио Рамос тўпни қўли билан қайтарган пайтда пенальти белгиланиши керак эди. Аммо биз ҳақли равишда ютқаздик», — деди Бос.
