Мадриднинг “Реал” клуби ҳужумчиси Криштиану Роналду ЕЧЛнинг 2-турида ҳафтанинг энг яхши футболчиси бўлди. Бу ҳақда УЕФА ташкилоти хабар бермоқда.
Овоз тўплаш йўли орқали ўтказилган сўровномада португалиялик футболчи 35 фоиз овоз жамғариб, қолган рақибларни ортда қолдирди.
Эслатиб ўтамиз, Роналду “Боруссия”га қарши учрашув (3:1) да дубль муаллифига айланганди.
Сўровнома якунларига кўра, Криштиану “ПСЖ” ҳужумчиси Неймар (27%), “Тоттенхэм” футболчиси Харри Кейн (16%), “Манчестер Юнайтед” ҳужумчиси Ромелу Лукаку (13%), “Барселона” ярим ҳимоячиси Андрес Иньеста (4%), “Порту” футболчиси Венсан Абубакар (3%), “Ювентус” ҳужумчиси Гонсало Игуаина (1%) ва “Манчестер Сити”ярим ҳимоячиси Кевин Де Брюйнеларни (1%) ортда қолдирди.
